Blac Chyna er brjáluð+ update á Kobe málinu!

0
2605

Blac Chyna, barnsmóðir Roberts Kardashian er allt annað en sátt við fyrrum mágkonu sína, Kylie Jenner.

Eftir að hinu hræðilegu atburðir áttu sér stað í Calabasas, þegar þyrla Kobe Bryants hrapaði með 9 manns um borð, birti Kylie Jenner mynd á instagram sem sýndi bróðurdóttur hennar, Dream, um borð í þyrlu.

Var þetta sama þyrla og Kobe flaug OG sami flugmaður sem flaug í bæði skiptin. Í kjölfarið birti lögmaður Chynu yfirlýsingu þess efnis að Kylie hafi aldrei fengið leyfi til að fara með Dream í þyrluflug og að enginn foreldri ætti að fá þær upplýsingar EFTIR á, að barnið þeirra hafi tekið þátt í þeim hættulega leik að fljúga þyrlu.

Núna veit ég að Rob var með í þessu þyrluflugi, þar sem Dream átti 3 ára afmæli og fór í tilefni dagsins í þyrluflug með frænku sinni og bróðir. Ég veit ekki hvort að Rob hefði þurft að fá leyfi hjá Chynu fyrir þessari ferð, eða hvort samþykki eins foreldris hafi verið nóg. En ég veit hinsvegar að það er alls ekki gott á milli Chynu og Kardashian/Jenner fjölskyldunnar, þó að uppeldið á Dream sé að fara nokkurn vegin vel fram.

Lögfræðingur Chynu tekur einnig fram að Chyna sé í áfalli eftir harmleikinn með Kobe og þá sem voru um borð og tilhugsunina um að Dream hafi setið um borð í þyrlunni.

Ég skil hana smá, en á sama tíma verðum við líka að muna að flugskilyrðin hjá Kobe voru engin og núna er talað um að skynjari sem á að láta flugmanninn vita um að eitthvað sé framundan (fjall, tré o.s.frv.) var óvirkur.

Það sem er að frétta af slysinu er þetta með skynjarann og nú hefur lögreglan staðfest að Kobe hafi verið um borð, og að hafi þurft fingraförin til að fá þá niðurstöðu. Þyrlan varð alelda við höggið og því líklegt að líkin hafi verið illa farin.

Við vissum að sjálfsögðu að Kobe hafi verið um borð, en það hefur nú verið staðfest af yfirvöldum.

Ég las líka á twitter að nánasta fjölskylda þeirra sem voru um borð í  þyrlunni hafi lesið um slysið á slúðurhasarsíðunni TMZ, og endaði Natalia, elsta dóttir Kobe á spítala í alvarlegu astmakasti eftir að hafa fengið fréttirnar. Umræðan úti snýst núna um þá staðreynd að TMZ virðist fá allar stórar fréttir til sín á undan yfirvöldum liggur við, og er líklegast skýringin sú að þeir eru með tengiliði innan lögreglunnar og sjúkraliða sem að skúbba þessu í þá.

Paris Jackson las t.d á TMZ að faðir hennar, Michael Jackson, væri látinn. Hrikalegt í alla staði og þeir eru klárlega ekki að vinna með að aðgát skuli höfð í nærveru sálar.

View this post on Instagram

B&W . . . . 📸@vilhelmgunnarsson

A post shared by 🌟 Eva Ruza🌟 (@evaruza) on