Eltihrellir Kendall Jenner handtekinn á heimili hennar!!

0
1624

Kendall Jenner hefur ekki átt sjö dagana sæla undanfarið, en eltihrellir hefur setið um hana í dágóðan tíma, og hann er ekki sá fyrsti.

Kendall á nokkra ástsjúka aðdáendur sem leggja ýmislegt á sig til að nálgast hana og síðastliðin þriðjudag var einn sem hefur setið um hana lengi , búinn að koma sér fyrir við sundlaugarbakkann heima hjá henni.

Mikil öryggisgæsla er í hverfinu þar sem Kendall býr, en hún býr ekki langt frá restinni af fjölskyldu sinni, hinni heimsfrægu Kardashian/Jenner fam. En eitthvað hefur öryggisgæslan klikkað, því að þessi maður gat fundið leið á bakvið húsið hennar sem stendur upp  við mikla kletta. Hann klifraði upp klettana og fann leið að húsinu, þar sem hann kom sér svo vel fyrir við sundlaugarbakkann og beið Kendall. Öryggisgæslan spottaði hann en hann lét sig hverfa áður en þeir náðu honum.

Hann mætti svo aftur stuttu seinna, fór sömu leið að húsinu og kom sér fyrir á veröndinni. Það var þá sem hann náðist.

Lögreglan mætti á svæðið  og hefur hann verið handtekinn. Einnig hefur öryggisgæslan verið hert bæði í kringum Kendall og einnig í hverfinu öllu.

Ég get rétt ímyndaði mér að það sé ógeðsleg tilfinning að finna til óöryggis á eigin heimili, þegar maður er eins frægur og Kendall. Kendall hefur einnig glímt við mikinn kvíða og er sú eina af þessum frægu systrum sem sækist ekki mikið í sviðsljósið. Hún starfar sem fyrirsæta og að sjálfsögðu fær hún mikla athygli fyrir það eitt að vera Jenner. En hún sækist samt sem áður ekki í það eins og hinar systurnar sem eru mjög virkar á öllum helstu samfélagsmiðlum.

Kendall sendi frá sér yfirlýsingu eftir að maðurinn var handtekinn og sagði fólki að hugsa hvað það sendir frá sér á samfélagsmiðlum og beindi orðum sínum þá helst til slúðurpressunnar sem hafði birt mynd af húsi hennar. Hún sagði að svona birting gæti verið upp á líf og dauða. Sem segir mér í raun, að þessi maður hafi kannski mögulega verið búinn að hóta henni fyrst að hún orðar þetta svona.

Já það er svo sannarlega ekki tekið út með sældinni að vera ríkur og frægur, en maðurinn hefur verið vistaður á geðdeild og vonandi nær Kendall góðum nætursvefni.