Loksins henti A-Rod sér á skeljarnar og bað Jlo um að giftast sér. Og vitiði hvað! Ég held að núna sé þetta komið hjá Jlo.
Þetta verður í fjórða sinn sem hún gengur upp að altarinu, í 6.sinn sem hún trúlofast, en ég bara held að núna sé þetta komið hjá skvísunni.
A-Rod á eitt hjónaband að baki og á með fyrrum eiginkonu sinni tvær dætur. Jennifer á tvíburana sína, Max og Emmu, með Marc Anthony sem er fyrrum eiginmaður hennar.
Ég er búin að halda svo mikið með þeim síðan þau byrjuðu saman fyrir tveimur árum. Þau bara virka svo ástfangin og líkir presónuleikar. Algjörlega geggjuð saman.
Her love sure cost a thing, því hringurinn sem A-Rod skellti á baugfingur hennar kostaði litlar 5 milljón dollara.
Eins og flestir vita sem hafa eitthvað fylgst með Jlo að þá var hún meðal annars trúlofuð leikaranum Ben Affleck, en hún hefur alltaf sagt að ágangur fjölmiðla var í raun ástæða þess að það samband gekk aldrei upp.
Einnig var hún lengi í sambandi með P.Diddy, eða Sean Combs, en það gekk ekki upp.
Þegar Jennifer byrjaði með Marc Anthony þá man ég að ég hugsaði ,,HA?”- fannst þau alls ekki passa saman, en svo varð ég ferlega skotin í þeim saman og varð leið þegar þau skildu.
A-Rod mætti svo inn í líf Jlo og þá vissi ég að þetta væri komið hjá minni konu. Þau eru geggjuð saman, fullkomin saman og ég eeeeelska þau saman.
Ellen hefur lengi reynt að fá þau til að trúlofast og ekki látið Jlo í friði þegar hún hefur komið í spjall til hennar.
Enda taggaði Jlo Ellen í myndinni sem hún birti á instagram, og Ellen hefur boðist til að vera heiðursbrúðarmey.
Nú bíð ég spennt eftir the royal wedding!!